گۇمنام غەزىلىگە مۇخەممەس
ئەلخۇمار
كۆڭۈل بوستانىدا جىسمىڭ ئەجەپ بەرنا گىياھىمدۇر،
تۇمارىم-تىكىنى ،ئۆزگە خىياللاردىن پاناھىمدۇر،
نى ھەددىم باغلامايىن قول،سۈزۈڭ –پەرمانى شاھىمدۇر،
قاشىڭ كۆرگەچ، نىچۈك جان ئايلانمايىمكىم، قىبلەگاھىمدۇر،
ئاياغىڭگە نىچۈك باش ئۇرمايىنكىم،سەجدەگاھىمدۇر.
چۈشەنمەس خەيرىنى غاپىل ،ئاشىقنىڭ ئەشكى -مارجاندىن،
كۆرەلمەس نۇرى ئەھمەرنى كەبى لەئلى بەدەخشاندىن،
كىشى قاچتى، ھىجىر چۆللەرىدە يۈرسەم كىچىپ جاندىن،
لەبىڭ ئىستەپ نەدىن جان بەمەيىن، ئابى ھايات ئاندىن،
يۈزۈڭ كۆرگەچ نىچۈك كۆز ئاچمايىن، ئول بەدرى –ماھىمدۇر.
ئاياغىم قاداغى- چۆلدە گۈھەردۇر ،تەنگە چاپلاشقان،
تاياغىم –ھاسىسى خىسلەت،مۇشەققەت يىلانى قاچقان،
كۆرۈڭ، جەندەم لىباسى ئىشق تەختىگە زەپمۇ ماسلاشقان،
چېقىپ ئۇچقۇنلار، ئۇرغان ئاھ بىلەن باشىمغا چىرماشقان،
گادالىق شاھلىقىمغە باشىمە زەردىن كۇلاھىمدۇر.
لىۋىڭ غۇنچەسى ھەر تاڭدا قانىم شەبنەمى ئىچكەندەك،
ھىلال قاشىڭ ئەمەستۇر موي، بىلىمنىڭ ئەكسى چۈشكەندەك،
زىناغىڭ-ئۇپرىغان باغرىم گويا يۈزۈڭگە كۆچكەندەك،
يۈزۈڭ ھىجرىگە سەبىر ئەتمەي ئوت ئۇزرە مۇشكى چۈشكەندەك،
ئەمەس خالىڭ،ياپۇشقان مەردۇمى چەشمى سىياھىمدۇر.
بىدار ئەيلەر قارا كۆز، تۈن- خىرامانىمنى يۇتقاندەك،
چىشىڭنىڭ شولاسى ئۇندا جىمى يۇلتۇزنى ئۇتقاندەك،
بولۇپ قىسقۇچ ،ئەگىم كىرپىكلىرىڭ جانىم يۇلۇتقاندەك،
يۈزۈڭنى غەيرىدىن ئاسراپ، كۈن ئالدىن ئەبىر تۇتقاندەك،
ساچىڭ ئەرمەس يۈزۈڭ ئەتراپى،-دۇدى ئاھىمدۇر.
نەدىن كۈن –تۈن گۈزەل يادىڭغا كۆڭلۈمدىن سالام ئەيمەي،
ۋە مۇشتاق ئۇچقۇنى-ئاتىڭنى تىلغا دۇر- كالام ئەتمەي،
خىيالەن شەربىتىن ۋەسلى، نىچۈك ھەر ۋاخ تائام ئەتمەي،
نەدىن سەرۋە قەددىڭنى گۈلشەنى جاندا ماقام ئەتمەي،
<<ئەلف>>قەددىڭنى جانىم ئىچرە بىكىتكەن ئىلاھىمدۇر.
شەپەقتۇر قانى باغرىمنىڭ ،سەھەر ئۇپۇق تامان ئاققان،
ۋە چۆللەرنىڭ ھارارەتى تاپاندىن قۇمغا تارقالغان،
تەسەللى ئەيلەبان ياشىم ئىرۇر سىم-سىم بۇلۇپ ياغقان،
چىمەندە گۈل پەلەكتە ئەختەر ئەمەستۇر قان يۇتۇپ ئەفغان،
يۈرەكتۇر،يەر ۋە كۆكتىن ھۆسىن ئاختۇرغان نىگاھىمدۇر.
گۆھەرلەر غەزنىسى پىنھان، نەفىس كۆڭلۈڭ سىرى-يەشمەڭ،
كىلىپ ھەر سارى ئاۋارە قىرىق قاراقچى –يەكچەشمەڭ،
مىدىرماس قىلچە ئەپسۇنغا گۆھەر غارى-لىۋىڭ-تەشمەڭ،
رەقىبلەردىن غەمىم يوق ،بەرسە راھەت غەمزەئى چەشمەڭ،
ئانى بەردەم ئۇرارغا كىرپىگىڭ خەيلى سىپاھىمدۇر.
ئۆزۈمنى ئىشق بازارىدا ئالارىڭغا تالان ئەتتىم،
قوشۇپ بەرمەك بولۇپ ئۈستەك ،يوقۇ-بارىم بايان ئەتتىم،
كى پەرۋا قىلمىدىڭ،باغرىم-تىشىلگەن ھەميان ئەتتىم،
يۈتۈردۈم جانۇ كۆڭلۈم بىگۇمان،سەندىن گۇمان ئەتتىم،
سۆيۈنگەندەك تاپىپ گۆھەر،شەكەر خەندىڭ -گۇۋاھىمدۇر.
