ئەللامە شەيىخ-ئۇستاز مۇھەممەد سالىھقا ئاتاپ.
ناھايىتى شەپقەتلىك ۋە مېھرىبان ئاللاھنىڭ ئىسمى بىلەن باشلايمەن.
ئەسسالامۇ ئەلەيكۇم ئىزدىنىش ئەھلى،كەمىنە(سۈزۈك سۇ)ئەبۇ غازىدىن ھەممىڭلارغا ئاللاھنىڭ سالامى بولسۇن.
مەن كۆپ قېتىم ئىزدىنىش مۇنبىرگە ئەزا بولۇشنى،ئويلىغان بولساممۇ.لېكىن ئەزا بولالمىدىم.
مانا بۈگۈن ئاللاھنىڭ رەھمىتى بىلەن،ئۇستاز ئابدۇرراھمان جامال كاشىغەرى،بىر قوللۇق ئېكىرىپ قويدى.
كىرگەندە قۇرۇق كىرىشنى خالىمىدىم. يېڭى بىر نەرسە يازغىچە، ئازراق ئالدىراپ قالدىم.
شۇڭا پەخىرلىك ئۇستازىمىزغا يازغان،مىسرانىم مۇنبىردە ئېلان قىلىنغان مەزكۇر يازمامنى ئالغاچ كەلدىم.
سىلەرنىڭمۇ ياقتۇرشىڭلارنى،كۆپرەك يول كۆرسىتىشىڭلارنى ئۈمۈد قىلمەن.
ئاللاھ خالىسا بۇندىن كېيىن داۋاملىق، ھەمسۆھبەتتە بولۇپ تۇرمىز.
ئاللاھ ھەممىمىزگە مۇۋەپپىقىيەت ئاتا قىلسۇن.
ئالىم بولدۇڭ مىللەتتە سالىھ ئوغلى مۇھەممەد،
مەشئەل بولدۇڭ زۇلمەتتە سالىھ ئوغلى مۇھەممەد.
بىز قالغاندا غەپلەتتە سالىھ ئوغلى مۇھەممەد،
سېنىڭ غېمىڭ ئۈممەتتە سالىھ ئوغلى مۇھەممەد.
بىز تۇرىمىز ھۆرمەتتە سالىھ ئوغلى مۇھەممەد.
دەستۇرىنى ئۈممەتنىڭ ئۆزلەشتۈرۈپ يەشتىڭغۇ،
ئىلىم ئېرپان دېڭىزدا مەنزىل تامان كەشتىڭغۇ.
تاغ بولسىمۇ مۈشكۈلۈڭ ئاسان بىلىپ تەشتىڭغۇ،
ئالىم بولۇش مىللەتنىڭ خوشاللىقىڭ بەختىڭغۇ.
قالدۇق بىزلەر ھەيرەتتە سالىھ ئوغلى مۇھەممەد.
يىشىپ قۇرئان مەناسى ئاچتىڭ تالاي سىرلارنى،
كالامىغا ئاللاھنىڭ مەپتۇن قىلدىڭ دىللارنى.
ئىلىم ئېرپان بېغىدا كەزدىڭ نۇرغۇن يىللارنى،
ئۆز تىلىدا سايراتتىڭ نۇرغۇن مەسۇم تىللارنى.
ياشاپ كەتتىڭ غەيرەتتە سالىھ ئوغلى مۇھەممەد.
پاساھەتلىك زەر تىلىڭ قامۇسۇڭدا چاقنايدۇ،
قامۇسۇڭدىن بۇ دىللار شادلىنىدۇ ياشنايدۇ.
ئالىم بولۇپ ئەۋلادىڭ ئەل كۆكىدە پارلايدۇ،
ئىلىم ئەھلى ئىلمىڭگە سېغىنىدۇ قانمايدۇ.
سېنىڭ تىلىڭ لۇغەتتە سالىھ ئوغلى مۇھەممەد.
رۇقىيەلەر مىللەتنىڭ شىپا بولدى قەلبىگە،
سېنىڭ بىلەن بۇ مىللەت كۈلۈپ باقتى ئەتىگە.
ئون ئالىمنىڭ بىرىسەن يەتسەك تېگى تەكتىگە،
ئالىم بولۇپ يارالدىڭ بۇ ئۈممەتنىڭ بەختىگە.
ھەمراھ بولدۇڭ قىسمەتتە سالىھ ئوغلى مۇھەممەد.
يۈسۈپ مەھمۇد بوۋاملار قۇياشىدۇر مىللەتنىڭ،
ئابدۇقادىر خالىقلار قۇربانىدۇر قىسمەتنىڭ.
ئاپئاق غوجا خائىنلار مەھسۇلىدۇر زۇلمەتنىڭ،
سەن قەۋىمنىڭ ئالىمى ساھىبى سەن ھۆرمەتنىڭ.
ئاللاھ بەرگەن نىئمەتتە سالىھ ئوغلى مۇھەممەد.
كەزدىڭ نۇرغۇن جاھاننى ئىلىم بولدى مەقسىتىڭ،
ئوقۇ ئوقۇتۇش ئىشلىرى ئالى بولدى خىزمىتىڭ.
ئاشتى كۈندىن كۈنىگە ئەل ئالدىدا ئىززىتىڭ،
ئەمەللەردە ئەزلدىن رەب رىزاسى ئىزلىدىڭ.
ئورنۇڭ بولسۇن جەننەتتە سالىھ ئوغلى مۇھەممەد.
شەيىخ بولدۇڭ سەبىيدىن تەتىجەڭ بار ۋە لېكىن،
سەندەك ئالىم كۆپەيسە نۇسرەت بىزگە بەك يېقىن.
ياشنىپ قالدىڭ ئۆزۈڭمۇ ھايات شۇنداق تېز ئېقىن،
ئاللاھىمدىن تىلەيمەن ساڭا جەننەت ھۆر ئەيىن.
بولالمىدۇق خىزمەتتە سالىھ ئوغلى مۇھەممەد.
ئاپتور:سۈزۈك سۇ
ئىلاۋە: ئەللامە شەيىخ مۇھەممەد سالىھنىڭ، ئۆمرىنىڭ ئۇزۇن بولشىنى ئاللاھدىن تىلەيمەن.
ئىشلىرغا ئاسايىشلىق،خىزمەتلىرگە
ۇتۇق تىلەيمەن.
ھەم بارلىق ئىلىم سۆيەر، ئوقۇغۇچىلار نامىدىن، ئۇستازغا چەكسىز ھۆرمىتىمنى بىلدۈرمەن.
ئاللاھ ھەممىمىزنى ياخشىلىقتا بىللە قىلغىن.
ھەق يولىدا مۇستەھكەم قىلغىن، ھەممىمىزگە مۇۋەپپىقىيەت ئاتا قىلغىن……….
ئامىن! ! !
