مۇھاكىمە : يەنە كەلدىڭ نۇرۇز (نەسىر)
بارلىق قېرىنداشلارنىڭ نۇرۇز بايرىمىنى قىزغىن تەبىرىكلەيمەن!
نۇرۇز ، يەنە كەلدىڭ ! تەبىئەتتىكى قار- مۇزلارنى ئىرىتىپ ، جانلىقلارنى ئويغۇتۇپ ، جاھاننى يېشىللىققا ، گۇل -چېچەككە پوركەتكىلى ، ئىشچانلارغا تىرىشچانلىق ئاتا قىلغىلى يەنە كەلدىڭ !
مەرھابا ! قەدەملىرىڭگە نۇرۇز !
ئۇغۇز ، سۇتۇق ئېتىنىڭ كىشنەشلىرىنى ، ئاماننىسانىڭ كۇيىنى ، مەختۇمسۇلانىڭ غۇرۇرىنى ، سادىرنىڭ چوقانلىرىنى ، مۇسابايىۋلارنىڭ گۇدۇك ئاۋازىنى ، ماناس دەرىياسىنىڭ شاۋقۇنلىرىنى بىزگە ئەسلەتكىلى يەنە كەلدىڭ !
كومراجىۋانىڭ تىۋىشىنى، <<قوتاتقۇبىلىك>> نىڭ ئالماس قورلىرىنى ، ئالىپ ئەرتۇڭانىڭ ، ڧارابىنىڭ ئىزتىراپلىرىنى ، مەھمۇت قەشقىرىنىڭ ، ناۋايىنىڭ …….يۇرەك سوقۇشلىرىنى بىزگە ئەسلەتكىلى ، بىزنى ئويغاتقىلى كەلدىڭ!!
مەرھابا ئالتۇن قەدەملىرىڭگە نۇرۇز!
يەنە كەلدىڭ نۇرۇز ! خۇتەن قەغەزلىرىنىڭ ھىدىنى ، ئويغۇر زەمبىرىكىنىڭ پۇرىقىنى ئەسلەتكىلى ، كىرۇران ئانىنىڭ كۆزلىرىگە ، رىزۋانگۇلنىڭ ئۇچۇق كەتكەن كوزلىرىگە قاراشنى ، تىكىلىپ قاراشنى دالالەت قىلىپ كەلدىڭ نۇرۇز!.
ئەتلەستە كوينەك ، چىمەندە دوپپا ، ئۇغۇزنىڭ روھىدا كەمەر ، نۇزۇگۇمنىڭ كۆز يېشىدا مارجان تەييارلاپ تەبىئەتنىلا ئەمەس ئۇغۇل- قىزلىرىڭنى چىرايلىق كىيىندۇرگىلى يەنە كەلدىڭ نۇرۇز!.
ئاھ ! نۇرۇز !
بىزنى ئىسمى جىسمىمىزغا لايىق ياشاشقا ، روھىمىزنى ئويغىتىشقا ، تېخىمۇ ئويغىتىشقا كەلدىڭ يەنە نۇرۇز!.
بىزدىن ، ئوغۇزنىڭ ئەۋلاتلىرىدىن نۇرغۇن ئۇمىتلەرنى ، ئالەمچە گۇزەل ئارزۇ-ئارمانلارنى ، بارچە تىرىشچانلىق كورسىتىشىنى كۇتۇپ يەنە كەلدىڭ نۇرۇز!!.
مەرھابا ! قەدەملىرىڭگە نۇرۇز !!!…………………………………
مەنبە : خىياللىرىم. خالىغان تور بەتكە يوتكىسىڭىز بۇلىدۇ!.
