مېنىڭ ياقامدىن سىقتى،
ۋىجدان مىنى بالاغا تىقتى.
مەن ۋىجداندىن نىجاتلىق كۈتسەم ،
جىمى پىشكەل ۋىجداندىن چىقتى .
شۇڭا بىرى ئۇنداق ۋىجداننى،
يوقات نېرى سېتىۋەت دېدى.
ساڭا ئوخشاش ۋىجدان دېگەننىڭ.
چىشلىرىنى چېقىۋەت دېدى.
ئايالىممۇ دېدى ۋىجدان دەپ .
قالمىدىغۇ كۆرمىگىنىڭىز .
بىر ئۇستىخان بىر تېرە بولۇپ،
قالدى پەقەت ئۆلمىگىنىڭىز.
پۇلىڭىز بار ۋىجدانىڭىز يوق،
كىم ۋىجدانغا بەردى بىر ناننى.
ئاچ-توق يۈرەر باللىرىڭىز،
سېتىۋېتىڭ ئۇنداق ۋىجداننى.
بۇ گەپلەرگە چىداش ئاسانمۇ ،
ئۆلىۋالاي دېسەم جان تاتلىق.
ئاسمان يىراق چىقىپ كەتمەككە،
كىرىپ كېتەي دېسەم يەر قاتتىق.
ماڭا كەسىپ تولىغۇ ئاخىر،
نان ساتىمەن ۋىجدان ساتمايمەن.
قانداق كۆنەي ۋىجدانسىز ياشاپ،
قان ساتىمەن ۋىجدان ساتمايمەن.
