تۇرسۇن شەيخ
ئاھ، مىنىڭ خەلقىم
خۇددى تارىم سۈيىدەك
بىز مۇشۇ يەردىن باشلانغان ، مۇشۇ يەردە تۈگەيمىز!
پەرھات تۇرسۇن
چۆچەك ئاڭلاپ چوڭ بولغان ئىدىم
خۇددى چۆچەكلەردەك
رىۋايەتلىك ئۆتمەكتە ئۆمۈر
بۇ يەرنىڭ ئاسمىنى چېدىرغا ئوخشار
بىرلا ئىشىك بار
بىرلا مۈشۈك بار
تۈمۈر پەنجىرلەردىن مارايمەن
تاڭمۇ قىزىل كەچكى شەپەق ھەم…
تۈنبىلەن كۈننىڭ پاسىلى بۇ جاي
يۇمۇلاق،يۇمۇلاق خىياللار بىلەن
تۇيۇماستىن
قۇشتەك كىرمەكتىمەن كۈز پەسلىگە
كۈزۈمنىڭ ئورنىدا قالغىنى پەقەت بىر جۈپ چىكىت
ئۈزۈمگىلا سۆزلىيەلەيمەن
كىتكە يەم بولغاندەك قۇرۇغان كۆللەر
ئاخىرقى بىر تامچە يېشىمدىن يىتەر ۋەسلىگە..
پايانسىز قۇملۇق
قۇمدەك چېچىلغان يۇلدۇزلارغا تىۋىنار
تىزلا قاخشال بۇلۇر بۇ تىنىم
يۆل بولغۇسى كېلەر
قۇيۇلۇپ كۆل بولغۇسى كېلەر
ئالىپ تېغىدىن ھالقىپ ئوكيانلارنى سېغىنار
كىرمەس ھىچقايسى ئوماينىڭ چۈشىگە
پەقەت تەڭرىتاغلا بار
تارىمغا يىغلاۋاتقان
ئاھ، مىنىڭ خەلقىم
ھېلىمۇ چۆچەك تۇقۇيدۇ
خۇداغا شۇنچە يېقىن چۆچەكلىرىدە
يېڭى-يېڭى ئوبرازلار ئالمىشىپ تۇرار
يۈز يىللىق سۈكۈتتىن چاچراپ قۇپۇپ
ئارغىماقنى تۇقۇپ
چىن تۈمۈر باتۇرغا ئايلانغۇسى بار
چىن تۈمۈر
سىپارتاكقا ئوخشىماس
ئۇ، قۇللارغا يول باشلىمىغان
ئۇ، چۆلدىكى يالغۇز قەھرىمان
بەكمۇ يىراق ئۇنىڭ ئۆتمۈشى
ئـۇيـغـۇر خەلق چۆچەكلىرىنىڭ
ئۇر توقمىغىبار ھەم ئالتۇن كەشى
چۆچەكلەر داۋاملىشار
سۈتتەك جىملىقىنى بۇزغان سەھەرنىڭ
كۈيلىرىدىن مەس بولغان قۇلاق
سىغدۇرالماس بارچە ئاۋازلارنى
بۈركۈتلەرنىڭ قانات قېقىشى،دەرەخلەرنىڭ شىۋىرلىشى
ھېچنىمە ئەمەس
ياغاچ ئاتقا مىنىپ غەززەنى ئايلىنىپ كېلەر
تارىمدىكى ئاددى بىر ئـۇيـغـۇرنىڭ چۈشى
ئاھ مىنىڭ خەلقىم
چاقماق تاش بىلەن ئوتنى پەيدا قىلغان خەلقىم
يادا تاش بىلەن يامغۇر ياغدۇرالايدىغان خەلقىم
ئۇزۇن-ئۇزۇن قىسسەلەرنى تۇقۇيالايدىغان خەلقىم
تۇقۇماقتا چۆچەكلىرىنى
بارلىق ئىنسانىيەتكە ئورتاق كۆڭۈل بۈلگۈچى
ئەجداتلىرىمىزبىلمەمدىكىنە
قۇياشنىڭمۇ كۈيۈپ بىر كۈنى تۈگەيدىغانلىقىنى
جاھاندىكى بارلىق سۆز يېزىلىپ تۈگەر
ھېچكىم بىلمەس ئىنسانلىقىمىزنى
ت. شەيخ
2014-7-20 كۈنى
